من أنا : لمحة سريعة عن المدون

اسمى فتحى ، مصرى يعنى مولود فى مصر فى القاهرة بالتحديد اتولدت سنة 1990 فى كنيسة ارثوذكسية فى عائلة مؤمنة ودى كان ليها تأثير كبير عليا فى انى اعيش لربنا وأكتر حد بحبهم هما عيلتى ، حاليا انا طالب جامعى فى كلية الحقوق وبحبها جدا علشان بتعملى حجات كتيييرة اوى أعييش بيها ، اكتر حاجة بحبها هى القراءة يااااااااه بعشقها ممكن اخلص كتاب فى يوم ولما كتاب يعجبنى ممكن اقرأئة كتييييييير اوى ، اول كتاب اقرأئة هو كتاب يخرجون الشياطين لـ( ديريك برنس ) الكتاب دة صنع نقلة فى حياتى وهو اللى بنانى وشجعنى فى علاقتى بربنا وربنا استخدم الكتاب دة علشان يكبرنى معاه ، من ساعتها وانا بعشق ديريك برنس وبقرأ كل كتبة .

بالنسبة لكنيستى ، انا اتولدت فى الكنيسة الارثوذكسية ولما دخلت جامعة رحت كنايس تانى زى الانجيلية والخمسينية وكمان خدمت فيهم لفترة قصيرة وبعد كدة حسيت ان ربنا عايزنى فى كنيستى اكتر علشان هى اللى محتجانى فدلوقتى انا ليل نهار فى كنيستى الارثوذكسية وبجد بحبها اوى وبحب كل حاجة فيها وطبعا هارتبط فى المستقبل من بنت بردوا ارثوذكس وبيتى هايبقا بردوا ارثوذكس ( ادعولى انتوا بس علشاان الاقيها ) .

الناس بتقولى انى خفيف الدم يعنى ظريف شوية ههههههههههه بس انا بحب العلاقات اوى وبحب يبقا ليا اصدقاء يكونوا قريبين ليا اوى علشان بحتاج تشجيعهم ليا وكمان صلاتهم وسعات ببقا ضعيف ومحتاج حد يمسك ايدى ويقومنى .

بصوا بقا هوياتى . . . بعشق حاجة اسمها كمبيوتر وبحب كل مجلاتة ومفيش مجال فى الكمبيوتر الا ودخلت فيه . جربت كل حاجة بس دلوقتى كل اللى بعمله انى بصمم مواقع ومدونات وكمان الجرافيك والتصميم والمونتاج والسوفت والهارد وييير والتدوين .

بحب الفلسفة اوى وبحب اى حاجة تشغل دماغى وبعشق اقوال وقصص المشاهير اللى كانت بردوا دماغهم شغالة وعملوا تأثر على التاريخ .

دى بقا مدونة بسيطة بكتب فيها مواضيع وفى مواضيع مش ببقا انا اللى كاتبها بس اللى كاتبها هاتلقوها فوق فى ( بقلم المدون ) ونفسى بجد انها تبقا سبب بركة ونور ليكوا وليا .

كفاية كدا علشان انا تعبت من الكتابة ولو حد عايز يتعرف عليا أكتر ممكن يكلمنى على الايميل الشخصى دة tattt7@yahoo.com

.........
فتحى











10 التعليقات:

غير معرف يقول...

الرب يباركك بس عندي تعليق صغير .. اكتر شي حبيتو بكلشي كتبتو ايمانك .بس انت كتير متعلق بطائفتك .مو غلط انك انت بتحبها وانت اكيد بتحتاج لكنيستك وهي بتحتاجلك لكن انت متعلق فيها كتير لدرجة انك انت بدك تتجوز بنت ارثوذكسية لكن لازم تعرف حتى الزواج لازم يكون بأيد الرب واكيد انت بتعرف انو الزواج هو اتمام مشيئة الله لذلك انت مافيك تختار لكن اترك الامر للرب لانو هو بيعرف مصلحتنا اكتر من انفسنا والرب يقويك ويزيدك بالايمان اكتر واكتر

Fat7i يقول...

شكرا لك حبيبى .. انا بؤمن بمعتقدات كنيستى ولازم البنت اللى اخدها تؤمن بنفس المعتقدات دى علشان مايبقاش فى تفكك بينا . دة رأيي وانا بحترم كل الطوائف وكل المعتقدات ومؤمن بأنهم كلهم اولاد لربنا وليهم حياة ابدية . بس انا م عايز يبقا فى نقطة خلاف بينا . والرب أكيد بيفعل الصالح دايما وانا هاخضع لمشيئتة .

شكرا لك على اهتمامك وتشجيعك ليا

الرب يباركك

غير معرف يقول...

اهلا فتحى ان شاء الله ربى ايوفقك فى دراستك الجامعية يارب بس ممكن بما انك تحب المطالعة وتحاول تطور فى تفكيرك اكثر ممكن انك تتطلع على الدين الاسلامى وما هى وجهة نظرك على الدين الاسلامى

SERVANT OF JC يقول...

مدونة رائعة يا فتحي..
ربنا يبارك حياتك ويحافظ عليك..
اخوك خادم الرب :)

Fat7i يقول...

اقتباس :
اهلا فتحى ان شاء الله ربى ايوفقك فى دراستك الجامعية يارب بس ممكن بما انك تحب المطالعة وتحاول تطور فى تفكيرك اكثر ممكن انك تتطلع على الدين الاسلامى وما هى وجهة نظرك على الدين الاسلامى
...........................................
أخى شكرا لك على تشجيعك ويشرفنى زيارتك لمدونتى
بالناسبة للدين الاسلامى فأنا بالفعل اتطلعت عليه كثير . . . ولكننيى يا اخى لما أجد فى الدين الاسلامى الحل الذى يمحو خطية الانسان . وهذا الحل وجدته فى الكتاب المقدس ( الانجيل ) وهو الخلاص بموت المسيح بدلا عنا على خشبة الصليب ليقدم الخلاص لجميع الجنس البشرى . اتمنى ان تتمتع به حتى تفوز بالجنة يا أخى فبدون قبول خلاص المسيح فلن تحصل على لجنةوالحياة الابدية . فقال المسيح " من يؤمن بى ولو مات فسيحيا " فوحدة الضامن لك الجنة ولحياة الابدية أتمنى ان تقرأ الكتاب المقدس وستجده على المدونة او خلال هذا الرابط http://www.enjeel.com/
.....

الرب يوفقك ويبارك حياتك

فتحى

Fat7i يقول...

اقتباس :
مدونة رائعة يا فتحي..
ربنا يبارك حياتك ويحافظ عليك..
اخوك خادم الرب :)
.................................
شكرا لك يا حبيبى على زيارتك وتشجيعك ليا الرب يباركك .. صليلى

فتحى

عرب بلوجر يقول...

هلا فيك فتحي

غير معرف يقول...

لو سمحت كنت عايز منك خدمتين اول شئ تبادل اعلانى للصفحه بتاعتى على الفيس بوك و ده اللينك اللى عايز اشيره
http://bit.ly/FBinviteall

تانى حاجه رابط القالب الجميل ده بتاع صفحتك لو سمحت و ربنا يعوض تعب محبتك و يبارك خدمتك ده حسابى على الفيس بوك ياريت تراسلنى

http://www.facebook.com/Michael.Kamal

متشكر جدا
سلام و نعمه

Fat7i يقول...

أهلا مايكل .

تم ارسال رسالة خاصة على الاكونت الخاص بيك على الفيس بوك .

فتحى

Fat7i يقول...

أهلا عرب بلوجر

إرسال تعليق

أثبت وجودك لا تقرأ وترحل

انضم الينا بالضغط هنا :

المواضيع الساخنة :

موضوع عشوائى

.
يرجى الانتظار ...
.